Her Haf Mathemateg j2blast
Mae j2e yn lansio her arbennig ym maes mathemateg i gynnal sgiliau mathemateg meddwl dysgwyr yn ystod gwyliau’r haf.
Mae Her Haf Mathemateg j2e yn agored i bob ysgol. Bydd enw pob dysgwr sy’n chwarae o leiaf 10 gêm ar j2blast Go Live! yn cael ei roi mewn cystadleuaeth i ennill un o’r talebau £20 sydd ar gael gan Argos. Bydd pob ysgol yn cael ei rhoi mewn cystadleuaeth i ennill gwobr o £200 i’w wario ar adnoddau o’u dewis.
Bydd yr her yn cael ei chynnig rhwng 20 Gorffennaf a 3 Medi 2018.
Bydd rhaid i’r plant mewngofnodi i Hwb a J2e.
Trip Bl.D, 1 19/07/18
Trip Blwyddyn Derbyn a Bl 1 – Ar ddydd Iau, 19eg o Orffennaf byddwn yn mynd ar ein trip diwedd blwyddyn i’r Bala. Gofynnwn yn garedig am gyfraniad o £6 y plentyn i dalu am y trip. Fedrwch dalu trwy ParentPay neu siec yn daladwy i Gyngor Sir Powys. Mi fydd angen dod â phecyn bwyd a bydd y bws yn gadael am 9.30yb ac yn dychwelyd adref erbyn 3.30yp. Os ydych chi’n dymuno, bydd cyfle i’r plant wario hyd at £3 yn y siop drenau.
Gwasanaeth Diwedd Tymor 18.7.18
Pnawn dydd Mercher, Gorffennaf 18fed.
Bl/YR 6- Canwio/ Canoeing -19/07/18
Mae trip canŵio wedi ei drefnu ar gyfer disgyblion Bl.6 ar Lyn Efyrnwy, nos Iau, Gorffennaf 19eg. Byddwn yn gadael yr ysgol am 4.30yh ac yn dychwelyd erbyn 6.30yh. Mae cost yr ymweliad o £5 y disgybl yn cael ei dalu allan o gronfa Menter a Busnes yr ysgol mewn gwerthfawrogiad o’u cyfraniad i fywyd yr ysgol.
Ymweliad i’r Ffowndri Bl6 18/07/18
Mae disgyblion Blwyddyn 6 wedi cael gwahoddiad i ymweld â’r Ffowndri, Llanrhaeadr ym Mochnant, Dydd Mercher, Gorffennaf 18fed. Byddant yn cael taith o amgylch y safle a chael cyfle i weld yr artistiaid ar waith. Diolchwn i Steve Page am drefnu’r ymweliad eto eleni. Mae angen iddynt wisgo esgidiau addas a byddwn nôl erbyn amser cinio.
Noson Rownderi a Barbyciw
Dydd Mawrth, Gorffennaf 17 am 6yh
Mae croeso cynnes i bawb i’r noson uchod – digwyddiad gymdeithasol iawn.
Bydd yno barbeciw yn gwerthu byrgyrs am £1
a diod oer, te neu coffi ar gael yn rhad ac am ddim.